“Əl-İttihad” Benzemanın yerinə ulduz axtarır: Görün namizəd kimdir

Səudiyyə klubu “Əl-İttihad” yay transfer pəncərəsi üçün “Liverpul”un hücumçusu Məhəmməd Salahı prioritet hədəf seçib.

Aut.az xəbər verir ki, hazırkı çempion əsas hücumçusu Kərim Benzemanı “Əl-Hilal”a itirdikdən sonra Ciddə komandası layihəyə yeni sima tapmaq üçün təcili axtarışdadır.

“Goal”ın məlumatına görə, 33 yaşlı misirli futbolçunun durumu hazırda diqqətlə izlənilir. Salah apreldə “qırmızılar”la 2027-ci ilin yayına qədər yeni müqavilə imzalayıb, lakin cari mövsüm qarışıq keçməkdədir.

Dekabr ayında o, açıq şəkildə “Liverpul”un rəhbərliyi və baş məşqçisini tənqid edərək, ayrılmaq ehtimallarını artırmışdı. Səudiyyə Ərəbistanında transfer pəncərəsi artıq bağlandığı üçün potensial keçid yalnız yayda mümkündür.

“Əl-İttihad” 2024-cü ildə də Salahı almağa çalışmış, ona görə 150 milyon funt təklif etmişdi, lakin cavab olaraq rədd cavabı almışdı. İndi Benzemanın yerini doldurmaq, eləcə də qanad oyunçusu Musa Diabinin də ayrılmaq istəyi ilə əlaqədar Misir kralına maraq yenidən güclənib.

Aut.az