Tramp sərəncam imzaladı: Bu yarış Vaşinqtonda keçiriləcək

ABŞ Prezidenti Donald Tramp 2026-cı ildə Vaşinqton şəhərinin metropoliten dairəsində “IndyCar” çempionatının keçirilməsi planlarını rəsmi olaraq təsdiqləyən sərəncam imzalayıb .

Aut.az xəbər verir ki, bu barədə “Motosport” məlumat yayıb.

“Amerika 250 Qran Prisi” adlandırılan yarış Amerika müstəqilliyinin 250 illiyinə təsadüf edir. Sərəncamda Vaşinqton meri Muriel Bouzerə prezident administrasiyası, Nəqliyyat və Daxili İşlər nazirlikləri ilə birlikdə “IndyCar” ilə əməkdaşlıq edərək yarış trekinin planını hazırlamaq və tədbir üçün maliyyələşdirmə təmin etmək tapşırılıb.

Yarışın 21-23 avqust həftəsonu keçirilməsi planlaşdırılır. Tədbirin paytaxtın mərkəzində təşkili, xüsusən də Kapitoli ərazisində reklam qadağası nəzərə alınmaqla, logistika baxımından çətinliklər yaradacaq.

Seriyanın sahibi Rocer Penske “NBC News”a bildirib ki, “Prezident Tramp idmanımız üçün inanılmaz bir iş görüb və “IndyCar” ölkəmizi möhtəşəm bir yarış tamaşası ilə şərəfləndirməyə hazırlaşarkən ona etimadına və dəstəyinə görə minnətdarıq”.

Aut.az