“Qəbələ”nin baş məşqçisi 4 oyunluq cəzalandı

“Qəbələ”nin baş məşqçisi Kaxaber Tsxadadze dörd oyunluq cəzalanıb.

Aut.az xəbər verir ki, bu barədə AFFA İntizam Komitəsi qərar çıxarıb.

21.12.2025-ci il tarixində Misli Premyer Liqasında XVI turun “Qəbələ” – “Qarabağ” oyununda “Qəbələ” komandasında 4 nəfər sarı vərəqə aldığı üçün “Qəbələ” komandası 700 manat cərimə edilsin (maddə 43.1);

21.12.2025-ci il tarixində Misli Premyer Liqasında XVI turun “Qəbələ” – “Qarabağ” oyununda “Qəbələ” komandasının baş məşqçisi Kaxaber Tsxadadze hakimləri təhqir etdiyinə görə 4 oyun oyuna buraxılmasın, “Qəbələ” komandası 10000 manat cərimə edilsin (maddə 52.4);

21.12.2025-ci il tarixində Misli Premyer Liqasında XVI turun “Qəbələ” – “Qarabağ” oyununda “Qarabağ” komandasının azarkeşləri tərəfindən pirotexniki vasitədən istifadə edildiyinə və bu hal cari mövsümdə 2-ci dəfə təkrarlandığına görə “Qarabağ” komandası 5000 manat cərimə edilsin (maddə 86.3);