Haaland, Bellinqem, Rays: 2019-cu ildə “Yunayted”ə təklif edib – Görün rəhbərlik kimləri alıb

2019-cu ildə Ole Qunnar Sulşer “Mançester Yunayted”ə üç oyunçu təklif etdiyini iddia edib: Erlinq Haaland, Cud Bellinqem və Deklan Rays.

Aut.az xəbər verir ki, həmin vaxt Haaland “Zalzburq”da, Bellinqem “Birmingem”də oynayırdı, Rays isə artıq “Vest Hem”də şöhrət qazanmışdı.

Üçü də gənc, əlçatan və indiki qədər bahalı deyildi. Lakin klub fərqli bir yol seçib.

Bunun əvəzinə, “Yunayted” o dövrün məşhur adlarını – Kriştiano Ronaldonu, Donni van de Beeki, Rafael Varanı və Ceydon Sançonu seçib.

Bu gün fərq çox böyükdür. Haaland dünyanın ən yaxşı hücumçularından biridir, Bellinqem “Real”da liderdir, “Rays” “Arsenal”da əsas oyunçudur. “Yunayted” isə hələ də istiqamət axtarır.

Aut.az