Cerrard bu iş üçün hazırdır, amma…

“Liverpul”un keçmiş yarımmüdafiəçisi və kapitanı Stiven Cerrard “Mersisaydlılar”a qayıtmaqda “çox maraqlıdır” və Arne Slotun istefaya göndəriləcəyi təqdirdə müvəqqəti baş məşqçi vəzifəsini icra etməyə hazırdır.

Aut.az xəbər verir ki, bu barədə “Football Insider” məlumat yayıb.

Mənbənin məlumatına görə, “qırmızılar”ın rəhbərliyi əvvəllər Cerrardın potensial müvəqqəti təyinatı ilə bağlı daxili müzakirələr aparıb.

Lakin “Liverpul” bu işi təklif etsəydi, ingilis vergi öhdəlikləri səbəbindən Səudiyyə Ərəbistanının “Əl-İttifaq” klubunda çalışarkən qazandığı gəlirin əhəmiyyətli bir hissəsindən imtina etməli olacaqdı. Bu vəziyyətin cari vergi ili başa çatana, ən azı aprel ayına qədər davam edəcəyi vurğulanır.

Qeyd edək ki, Cerrard İngiltərədə 2021-ci ildən 2022-ci ilə qədər “Aston Villa”ya rəhbərlik edib.

Aut.az