Qalmaqal: Qadın idmançı rəqibini dişlədi

Əbu-Dabidə keçirilən Böyük Dəbilqə yarışlarının 1/8 finalında fransalı cüdoçu Lea Fontenbulun açıq-aşkar idman əleyhinə jestinə görə diskvalifikasiyası zamanı əsl qalmaqal yaşanıb.

Aut.az xəbər verir ki, italiyalı Erika Simonetti ilə mübarizə iki dəqiqədən də az çəkib, tatamidə vəziyyət qəfildən nəzarətdən çıxıb.

+78 kq çəki dərəcəsində mübarizə kifayət qədər sakit başlayıb –  cəmi 59 saniyədən sonra hər iki idmançı passivliyə görə şido ilə cəzalandırılıb. Bununla belə, döyüş qızışmağa başlayanda tamaşaçıları şoka salan hadisə baş verib: Simonetti rəqibinin onun əlini dişlədiyini iddia edib.

Hakim dərhal döyüşü dayandırıb, italyan diş izini göstərib və tibbi yardım aldı. Tatamiyə qayıtdıqdan sonra hakimin qərarı aydın olub : Lea diskvalifikasiya edilib, hakim bunu dişləməni göstərən xüsusi jestlə təsdiqləyib.

İnsident artıq beynəlxalq cüdo qurumlarının diqqətini cəlb edib və onlar indi vəziyyəti dəyərləndirməli, idmançının əlavə intizam cəzası ilə üzləşib-üzləşməyəcəyinə qərar verməlidirlər.

Aut.az