Keçmiş səhvlərin əvəzini ödəyirik: Buffon nəyə eyham vurur?

Dünya çempionu Canluici Buffon İtaliya millisinin DÇ-2026-nın pley-off mərhələsinə düşməsini şərh edib.

Komanda qrup mərhələsində Norveçə uduzaraq turnirə birbaşa vəsiqə qazana bilməyib. İtaliya pley-offda uduzsa, ardıcıl üçüncü Dünya Çempionatını buraxacaq.

Aut.az xəbər verir ki, Buffon yerli mətbuata açıqlamasında deyib:

“İtaliya hazırda keçid dövründədir və hansı yolu tutacağını bilmir. Keçmişin səhvlərinin əvəzini ödəyirik. Komandanın hazırkı nəticələri iyirmi il əvvələ, Buffon, Kannavaro və Tottiyə güvəndiyimiz vaxta təsadüf edir. Onların əbədi qalacağını düşünürdük.

İndi biz ən aşağıdan başlayacağıq: yeddi-on üç yaşlı uşaqlarla işləməliyik. Təkmilləşdirməyə sonra nail olmaq olar, lakin istedad daha tez inkişaf edir. Biz bu layihəyə necə yanaşacağımızı anlamaq üçün Prandelli ilə danışırıq, lakin yekun qərar vermək üçün Dünya Kubokunun seçmə mərhələsinin sonuna qədər gözləmək istəyirik. Belə layihələrə başlayanda sabitlik lazımdır”.

Aut.az