Bu ölkənin ən yüksək idman mükafatına layiq görüldü – FOTO

“Maklaren” komandasının avstraliyalı pilotu Oskar Piastri Avstraliya idmanının ən nüfuzlu mükafatını alıb.

Aut.az xəbər verir ki, bu barədə Avstraliya Qran Prisinin mətbuat xidməti məlumat yayıb.

“Təbriklər, Oskar! Dünən axşam Formula 1-də son 12 ayda əldə etdiyi görkəmli nailiyyətlərə görə Oskar Piastriyə “Don” mükafatı təqdim olundu.

1998-ci ildə təsis edilən və Avstraliya İdman Şöhrət Zalının ilk iştirakçısı olan Ser Donald Bradmanın şərəfinə adlandırılan “Don” mükafatı son 12 ayda əldə etdiyi nailiyyətləri ilə ölkəni ən çox ruhlandıran avstraliyalı idmançıya və ya komandaya təqdim olunur”, – Avstraliya Qran Prisinin mətbuat xidməti bildirib.

Aut.az