Rusiyalı qapıçının açıqlaması PSJ-ni qarışdırdı

PSJ-nin rusiyalı qapıçısı Matvey Safonovun Paris təmsilçisində oyun praktikasının olmaması ilə bağlı açıqlamaları klubda bəzi insanların narazılığına səbəb olub.

Aut.az xəbər verir ki, bu barədə “Goal.com” məlumat yayıb.

Nəşrin məlumatına görə, Safonov son vaxtlar sosial şəbəkədə ehtiyat oyunçu kimi statusu və bunun onu qıcıqlandırdığı haqda yazılar yazır.

Safonovun açıqlamaları PSJ-nin paltardəyişmə otağında reaksiya və klub daxilində müəyyən qıcıqlara səbəb olub. PSJ-nin bəzi rəhbərləri rusiyalının komandaya zərər verdiyini düşünürlər.

Safonov hələ bu mövsüm PSJ-nin heyətində rəsmi oyun keçirməyib.

Safonovun oyun zamanı vəziyyəti dəyişməz qalsa, başqa kluba icarəyə verilə biləcəyi bildirilir. Bir neçə Avropa klubunun qapıçı ilə maraqlandığı bildirilir, lakin o, PSJ-dən ayrılmaq istəmir.

Aut.az