“Barselona” yeni transferlərini qeydiyyatdan keçirib? – Laporta açıqladı

“Barselona”nın prezidenti Xuan Laporta yeni transferlər – qapıçı Joan Qarsiya və hücumçu Markus Reşfordun İspaniya çempionatının ilk turunda “Mayorka”ya qarşı oyunda iştirak edə biləcəklərini təsdiqləyib.

Aut.az xəbər verir ki, Laporta “Mundo Deportivo”ya açıqlamasında bildirib: “Əgər baş məşqçi Hansı Flik istəsə, Joan Qarsiya və Reşford oynaya bilərlər”.

Kataloniya klubu hər iki futbolçunun qeydiyyatı üçün zəruri prosedurları tamamlayıb və hazırda La Liqadan yekun təsdiqi gözləyir.

Qeyd edək ki, “Barselona” 2025/26 mövsümündə müraciət prosesi ilə bağlı audit səbəbindən çətinliklərlə üzləşib.