Nə vaxt və kimə qarşı? – Usikin komandası nəhəng döyüşün anonsunu verdi

Superağır çəkidə məğlubedilməz mütləq dünya çempionu, ukraynalı Aleksandr Usikin komandasının direktoru Sergey Lapin boksçunun növbəti planı haqda danışıb.

Aut.az xəbər verir ki, Lapin Usikin birinci ağır çəki dərəcəsində WBA reytinqində 14-cü olan amerikalı Ceyk Pol ilə MMA qaydalarına uyğun olaraq döyüşmək istəyinə aydınlıq gətirib.

“Biz həm idman nöqteyi-nəzərindən, həm də tamaşaçı və status nöqteyi-nəzərindən məna kəsb edən rəqiblərə diqqət yetirərək bir sıra variantları nəzərdən keçiririk. Demək olar ki, hər bir döyüşçü Ceyk Polu çağırıb. Amma bizim hekayəmiz fərqlidir.

Söhbət Aleksandr Usiklə boks görüşündən getmir, lakin MMA döyüşünə uyğun qaydalarda şanslar daha bərabərdir. Ceykin təcrübəsi var və Aleksandr tez uyğunlaşmalı olacaq. Bu, nəhəng qlobal tamaşaçı kütləsi olan genişmiqyaslı şouya çevrilə bilər. Artıq danışıqlar gedir və hər şey alınsa, döyüş gələn ilin əvvəlində baş tuta bilər”, – deyə Lapin bildirib.

Aut.az