Olimpiya çempionu şikayətləndi: Mağazaya gedib çörək ala bilmir

Fransalı üzgüçü Leon Marşan 2024-cü ildə Parisdə keçirilən Olimpiya Oyunlarında dörd qızıl medal qazandıqdan sonra həyatının necə dəyişdiyindən danışıb.

Aut.az xəbər verir ki, onun sözlərini “Çempionat”ın müxbiri Rüstəm İmamov sitat gətirib:

“Həyatım köklü şəkildə dəyişdi. Çox yaxşı, həm də çox pis. Hər şeyi planlaşdırmalıyam. Mən mağazaya gedib çörək ala bilmirəm. Məşqdən əvvəl, sonra və məşq zamanı fərqli şeylərlə məşğul olmalıyam. İlk vaxtlar çox çətin idi, belə diqqətə öyrəşmirdim.

Amma qələbələrimdən sonra başıma gələn yaxşılıqları da bəyənirəm. Yavaş-yavaş yeni statusuma alışıram, daha yaxşı öhdəsindən gəlməyi, “yox” deməyi daha yaxşı bilirəm. Mən çox şey öyrənirəm. Amma Fransanı tərk edəndə xaricdə yarışmaq və məşq etmək mənim üçün daha sakitdir”.

Aut.az