“Araz-Naxçıvan” braziliyalı transfer etdi

Azərbaycanı futzal üzrə UEFA Çempionlar Liqasında təmsil edəcək “Araz-Naxçıvan” yeni oyunçu ilə güclənib.

Aut.az xəbər verir ki, Muxtar Respublika təmsilçisi braziliyalı Luiggini heyətinə qatıb.

Onunla 1 illik müqavilə imzalanıb. 29 yaşlı braziliyalının son klubu Belçika “Anderlext”i olub.

Qeyd edək ki, Yevgeni Kukseviçin baş məşqçisi olduğu “Araz-Naxçıvan” yer aldığı F qrupunda “Ljuti” (Avstriya), PYF (Şotlandiya) və “Sparta” (Şimali İrlandiya) komandaları ilə üz-üzə gələcək. Matçlar avqustun 26-31-i aralığında Avstriyada gerçəkləşəcək.