Bəhluldan çempionluq şərhi: Uğurumuzu məhz bu amilə bağlayıram

 “Hər çempionluğun öz hekayəsi olur. Bu uğurun arxasında böyük zəhmət var. Uğurumuzu məhz bu amilə bağlayıram”.

Bu sözləri Aut.az-a açıqlamasında “Qarabağ”ın müdafiəçisi Bəhlul Mustafazadə Ağdam klubunun çempionluğunu şərh edərkən deyib. O, Avropa Liqasındakı uğursuzluqdan sonra çempionata böyük diqqət ayırdıqlarını bildirib:

“Avropa Liqasında uğursuz olsaq da, bütün diqqətimizi çempionluğa yönəltdik və istəyimizə çatdıq. Bunun fonunda avrokuboklarda məqsədimiz maksimum uğur qazanmaq olacaq.

O, bundan sonra diqqətlərini ölkə kubokunun finalına yönəldəcəklərini deyib:

“Çempionluğu artıq qeyd etmişik. Bundan sonra ölkə kubokunun finalı var. Həmişəki kimi məqsədimiz qalib olmaqdır. Ümid edirəm ki, buna nail olacağıq və hər iki uğuru qeyd edəcəyik”.

Aut.az