Ulduz futbolçu “Real”da bir dəqiqə belə oynamayacaq: Peres ona qapını göstərdi

“Real”ın cinah oyunçusu Rodriqo böyük ehtimalla “kral klubu”nda bir daha oynamayacaq.

Aut.az xəbər verir ki, bu barədə “Madrid-Darcelona” nəşri məlumat yayıb.

Mənbənin sözlərinə görə, klubun prezidenti Florentino Peres 24 yaşlı futbolçunun komandada oynamağa kifayət qədər motivasiyasının olmadığına inanır.

Məsələ ondadır ki, Rodriqo “Barselona”ya 3:4 hesabıyla uduzulan oyundan əvvəl bildirib ki, matç üçün gücü qalmayıb. Bu isə həm məşqçilər korpusunu, həm də “Real” rəhbərliyini qəzəbləndirib. Məhz bu səbəbdən oyunçu “El-klasiko”da bir dəqiqə belə meydanda olmayıb və yayda onun satılması planlaşdırılır.

Rodriqo 2024/25 mövsümündə klub səviyyəsində 50 oyuna çıxıb, 13 qol və 10 məhsuldar ötürmə ilə yadda qalıb. “Transfermarkt” portalı onun dəyərini 100 milyon avro olaraq qiymətləndirir.

Aut.az