Bundan aşağı enə bilməzdim: Mabppenin mentalitetini dəyişən an

“Real Madrid”in hücumçusu Kilian Mbappe qeyd edib ki, La Liqanın 19-cu turunda “Atletik”lə matçda (1:2) penaltini qaçırmaq onun üçün Madrid klubunda dönüş nöqtəsi olub.

“Pis vaxtlarım oldu, çünki mən həmişə daha çox şey etmək istəyən oyunçuyam. İstədiyinizə nail olmadığınızı görəndə bunun sizə təsir etməsi normaldır.

Burada oynamaq əla fürsətdir, mən bunu həmişə demişəm. Ancaq bunların baş verə biləcəyini bilirdim və dediyim kimi, Bilbaoda penaltini qaçırmaq “yaxşı an” idi, çünki bu, mənim mentalitetimi dəyişdi. Daha aşağı enə bilməzdim. İşlər ancaq yaxşılaşa bilərdi. Qalan yalnız yüksək səviyyəli oyunçu olduğumu və “Real”a kömək edə biləcəyimi sübut etmək idi.

“Atletik”ə məğlubiyyət] mühüm psixoloji məqam idi. Sinənə vurub deməlisən: daha çox etməliyəm. Fiziki formam yaxşı idi, komandadan razı idim, amma daha çox səy göstərməli idim. Mən bunu bilirdim. Bilbaoda isə özünüzə deməyin vaxtı idi: “İndi bu vəziyyəti dəyişməyin vaxtıdır, siz “Real”a pis oynamaq üçün gəlməyibsiniz”. Mən onu dəyişdirdim, amma biz bunu davam etdirməliyik. Çünki bir ay yaxşı oynamaq asandır. Bu daim edilməlidir. Mən komandama kömək etməyə hazıram”, – Mbappe mətbuat konfransında deyib.

Aut.az