Ançelotti Mbappenin vəziyyəti haqda danışdı: Fərziyyələri şərh etmək…

“Real”ın baş məşqçisi Karlo Ançelotti La Liqanın 10-cu turunun “Selta” ilə oyunu ərəfəsində Madrid klubunun hücumçusu Kilian Mbappenin durumu haqda danışıb.

Aut.az xəbər verir ki, italyan mütəxəssis futbolçusunun üzləşdiyi qalmaqal barədə danışmayıb:

“O, vəziyyətini yaxşılaşdırmaq üçün bu fasilədən istifadə etdi. Özünü çox yaxşı aparır. O, xoşbəxtdir və sabah oynamaq istəyir. Bu 15 gün ona çox kömək etdi. Çünki o, fasilədən əvvəl olduğundan fərqli oyunçu oldu.

Mən burada fərziyyələri şərh etmək üçün deyiləm. Bütün diqqətimi onun gördüyü işlərə yönəldirəm. Mən görürəm ki, futbolçu xoşbəxt və razıdır. Həqiqətən komandanın uğurlarına töhfə vermək istəyir. Onun əlçatanlığının 100%-ə yaxın olduğunu görürəm. Çox yaxşı işləyir və necə məşq etdiyini görməkdən məmnunam”.

Qeyd edək ki, fransalı futbolçu milli komandanın oyunları üçün fasilə zamanı Stokholmdakı oteldə təcavüzdə ittham olunur.

Aut.az