Nəhayət, bu kabus bitdi – Poqbanın reaksiyası

“Yuventus”un yarımmüdafiəçisi Pol Poqba İdman Arbitraj Məhkəməsinin (CAS) dopinqə görə onun diskvalifikasiyasını 4 ildən bir il yarıma endirmək qərarına reaksiya verib.

“Nəhayət, bu kabus bitdi. İdman Arbitraj Məhkəməsinin qərarından sonra yenidən arzumun ardınca gedəcəyim günü səbirsizliklə gözləyə bilərəm.

Mən həmişə qeyd etmişəm ki, həkimim tərəfindən kişi idmançıların performansına təsir etməyən qida əlavəsini qəbul etməklə heç vaxt Ümumdünya Antidopinq Agentliyinin qaydalarını bilərəkdən pozmamışam.

Mən vicdanla oynadım, amma yenə də bütün məsuliyyətimlə pozuntumu etiraf etməliyəm. Mən izahatlarımı dinləyən İdman Arbitraj Məhkəməsinin hakimlərinə rəsmi təşəkkür etmək istəyirəm.

Həyatımda çox çətin bir dövr idi, çünki çox çalışdığım hər şey təxirə salınmışdı. Sevginiz və dəstəyiniz üçün bir daha təşəkkür edirəm. Mən sadəcə meydançaya qayıtmaq üçün səbirsizlənirəm”, – jurnalist Ben Yakobs “X” sosial şəbəkəsində Poqbadan sitat gətirib.

Aut.az