“Neftçi” almaniyalı futbolçu transfer etdi – FOTO

“Neftçi” heyətinə yeni futbolçu qatıb.

Aut.az-ın əldə etdiyi məlumata görə, “ağ-qaralar” almaniyalı müdafiəçi Robert Bauer ilə anlaşıb. Futbolçu 2 illik müqaviləyə imza atmaq üçün Bakıya gəlib. Tibbi müayinədən keçən 29 yaşlı müdafiəçi 23 nömrəli forma altında çıxış edəcək.

O, son olaraq Səudiyyə Ərəbistanı birinci divizionunda çıxış edən “Əl-Tay”da top qovub. Bauer karyerası ərzində “İnqolştadt”, “Verder Bremen”, “Nurenberq”, “Arsenal Tula” və “Sint-Truiden”də də çıxış edib.

Almaniyanın U-20 və U-21 yığmalarının da formasını geyinib.

Qeyd edək ki, “Neftçi” az öncə sosial şəbəkə hesablarında futbolçunun adını açıqlamasa da, transferin anonsunu təqdim edib.

Aut.az