Kanla arasındakı rəqabəti xatırladı: Media buna görə məni incitdi

“Arsenal”ın sabiq qapıçısı Yens Lemann Almaniya millisindəki həmkarı Oliver Kanla rəqabəti ilə bağlı xatirələrini bölüşüb.

Aut.az xəbər verir ki, o, “The Telegraph”a açıqlamasında Kanla gərgin münasibətinə görə meydandan kənarda yaşanan hadisədən bəhs edib:

“Bu, futboldakı sonuncu əyləncəli şəxsi hekayəm oldu. Amma bu, bizi və komanda yoldaşlarımızı qıcıqlandırdı. “Netflix” və ya “Amazon” o zaman mövcud olsaydı, bu hekayəni bəyənərdilər. 2006-cı il Dünya Çempionatına qədər son il yarım ərzində bu, gündəlik baş verən hadisə idi. O bunu dedi, bu biri belə söylədi və s. Nəticədə aramızda mübahisələr yarandı.

Bir dəfə münasibətimizdən danışdım və səhv etdim. Çünki onun 23 yaşlı yeni sevgilisi, mənim isə ailəm vardı. Ona görə də danışılası çox şey yoxdur. Media buna görə məni incitdi. Təəssüf edirəm ki, belə oldu. O, bundan istifadə edərək məni komandadan uzaqlaşdırmaq istəyirdi”.

Aut.az