Şagirdini döyən məşqçinin cəzası açıqlandı

Orenburqda keçirilən turnirdə şagirdini döyən məşqçi ömürlük cəza alıb.

Aut.az xəbər verir ki, bu barədə Dağıstan Güləş Federasiyasının prezidenti, Rusiya Güləş Federasiyasının vitse-prezidenti Ömər Murtuzəliyev məlumat verib

“Məşqçi ömürlük diskvalifikasiya olunub. Törədilən hərəkət qeyri-insani idi. Bu, özəl klub məşqçisidir. Dağıstanın idman nazirinə məktub yazdım. O, bir daha idman zallarında belə halların görünməməsi üçün tədbirlər görəcək”, – deyə funksioner bildirib.

Xatırladaq ki, tələbəsini döyən məşqçinin Alaudin Atayev olduğu üzə çıxıb. O, yarışda uduzduqdan sonra uşağı vəhşicəsinə döyüb. İşin araşdırılmasına hüquq-mühafizə orqanları da cəlb olunub.