Etiraf etdi: Ondan ölümünə qorxur

Britaniyalı ağır çəkili boksçu Tayson Fyuri ukraynalı Aleksandr Usikdən qorxduğunu etiraf edib.

Aut.az xəbər verir ki, Tayson jurnalistin “Bir dəfə mətbuat konfransı üçün Batman kimi geyinmişdiniz. Usik isə bu yaxınlarda Joker kimi geyinib. Usik sizi izləyir və bunu qəsdən edir? O sizə mesaj göndərir?” suallarına belə cavab verib:

“Bəli, əslində əvvəllər baxıb özüm haqqında fikirləşmişəm. Bilirsən, bu oğlan yavaş-yavaş ağlıma girir və məni içəridən qarışdırır. Döyüş gecəsi gələndə bir yumruq ata biləcəyimə belə əmin deyiləm, çünki o, məni çox geridə saxlayır.

O, mənim üslubumu köçürdü. Ona görə də indi ondan ölümünə qorxuram. İlahi, söyüşə görə üzr istəyirəm. Mən çox qorxuram ki, o, mənim üslubumu kopyalayır. Və etdiyim hər şeyi: söhbətləri, mətbuat konfranslarında görüntüləri, Marvel filmlərindən müxtəlif personajların geyimlərini. Mən, həqiqətən, onun bu döyüş üçün nə hazırladığını görmək üçün səbirsizlənirəm. Əslində onun böyük fanatına, Usik fanboyuna çevrilirəm”.

Xatırladaq ki, 2024-cü ilin ən çox gözlənilən döyüşü əvvəlcə fevralın 17-nə planlaşdırılsa da, Tayson Fyuri təlim-məşq toplanışında zədələndiyi üçün təxirə salındı. Döyüşün yeni tarixi 18 may 2024-cü ildir.

Aut.az