Bu da onu “baqaj”a qoydu: Yalançı olduğunu çoxdan bilirdik
La Liqanın prezidenti Xavyer Tebas korrupsiya, çirkli pulların yuyulması və digər qanun pozuntularında ittiham olunan İspaniya Kral Futbol Federasiyasının (RFEF) keçmiş rəhbəri Luis Rubialesin saxlanılması ilə bağlı danışıb.
Aut.az xəbər verir ki, Tebas bu barədə AS nəşrinə müsahibəsində deyib.
“Mən illərdir RFEF-də baş verənləri, xüsusən də onun bəzi kadrlarını pisləyirəm. Qəribədir ki, kimlərsə baş verənləri öyrənəndən sonra təəccüblənir. Amma bu çoxdan məlumdur. Əgər bəzi orqanlar şikayətlərə cavab olaraq lazımi tədbirlər görsəydilər, bu ittiham aktı daha tez baş verməli idi.
Amma bu yaxşıdır, çünki bu təşkilatın gələcəyinə daha böyük nikbinliklə baxmağa imkan verir, çünki onu təhrif edənlər artıq orada yoxdur. Hesabatı gördüm və düşünürəm ki, əmisi Rubialesin patoloji yalançı olduğunu çox yaxşı qeyd edib. Onunla tanış olanlar bu barədə çoxdan bilirdilər”, – Tebas deyib.
Aut.az
