Messinin bu 6 forması 7 milyona satıldı

Argentina millisinin hücumçusu Lionel Messinin 2022-ci ildə Qətərdə keçirilən dünya çempionatında geyindiyi 6 forma Nyu-Yorkdakı “Sotheby’s” hərracına çıxarılıb.

Aut.az xəbər verir ki, bütün formaların ümumi dəyəri 7 milyon avrodan bir qədər çox olub.

“Sotheby’s” bildirib ki, 2022-ci ildə Qətərdə keçirilən dünya çempionatında Messinin oyunlardan birinin ilk yarısında geyindiyi formaların son qiyməti bu il bir idman xatirəsi üçün ödənilən ən yüksək qiymət olub.

“Sotheby’s” ümid edirdi ki, Messinin formaları oyun zamanı geyinilən idman xatirələri üçün hərrac rekordu vuracaq, lakin bu baş tutmadı. Oyun zamanı geyinilən idman xatirələri rekordu Maykl Cordanın 1998-ci ildə  9,1 milyon avroya satılan NBA Finalları forması olaraq qalır.

Xatırladaq ki, ümumilikdə Messinin 6 forması hərraca çıxarılıb: Fransa ilə finalın birinci yarısı, Xorvatiya ilə 1/2 final, Niderlandla 1/4 final, Avstraliya ilə 1/8 final və qrup mərhələsinin üç matçından ikisində geyinilən formalar.

Aut.az