Millimiz Dünya çempionatına qələbə ilə başladı

Minifutbol üzrə Azərbaycan millisi BƏƏ-də keçirilən Dünya çempionatında ilk matçını keçirib.

Aut.az xəbər verir ki, G qrupunda yer alan yığmamız İraqla qarşılaşıb. Elşad Quliyevin rəhbərlik etdiyi komanda mundiallar tarixindəki ilk matçını qələbəylə başa vurub – 2:0. Millimizə qələbə gətirən qolları Elvin Əlizadə və Mirmehdi Rzayev vurub.

Qrupun ötən gün keçirilən oyununda Misir Küveyti 2:0 hesabıyla məğlub edib.

Qeyd edək ki, Azərbaycan millisi oktyabrın 29-da Misir, 2 gün sonra isə Küveytlə qarşılaşacaq.