Ya davam, ya da…

Futzal üzrə Azərbaycan millisi bu gün DÇ-2024-ün elit mərhələsində növbəti oyununu keçirəcək.

Aut.az xəbər verir ki, futzalçılarımız Astanada Qazaxıstan yığmasının qonağı olacaq. A qrupunda yer alan yığmamız ötən həftə Bakıda məğlub olduğu (2:4) rəqibindən revanş almağa çalışacaq.

Komandamız məğlub olarsa, mundiala yollanmaq şansı demək olar ki, qalmayacaq.

Astanadakı Jekpe-Jek Sarayında baş tutacaq qarşılaşma Bakı vaxtı ilə saat 18:00-da start götürəcək.

Qeyd edək ki, hazırda Qazaxıstan 9 xalla qrupda liderlik edirsə, yığmamız 3 xalla 3-cü pillədə qərarlaşıb.

DÇ-2024, elit-raund mərhələ
11 oktyabr

18:00 Qazaxıstan – Azərbaycan
Hakimlər: Trayan Ençev, Kaloyan Kirilov, İvo Tsenov (hamısı Bolqarıstan)
Hakim-isnpektor: Silvo Borosak (Sloveniya)
UEFA nümayəndəsi: Morten Engebretsen (Norveç)
Astana, Jekpe Jek Arena.