Bu klubun ÇL oyunları Fransada yayımlana bilməz: Niyə?

Fransanın “beIN Sports” kanalı Çempionlar Liqasının ilk turu çərçivəsində keçiriləcək “Yanq Boyz” – “Leypsiq” oyununu yayımlaya bilməyəcək.

Aut.az xəbər verir ki, buna səbəb İsveçrə təmsilçisinin titul sponsoru olan “Plus500” investisiya xidmətidir.

Fransa maliyyə bazarları orqanı (AMF) şirkəti çox riskli hesab edir. 2016-cı ilin sonundan sözügedən ölkədə idman yarışları zamanı bu cür xidmətlərin reklamı qadağan edilib. Buna əməl edilməməsi 100 min avroya qədər cərimə ilə nəticələnə bilər.

Ötən mövsüm İtaliyanın “Atalanta” klubunun oyunları zamanı oxşar vəziyyət yaşanıb. “beIN Sports” hətta “Plus500” reklamını işıqlandırmaq üçün qara ekrandan istifadə etməli olub.

“Biz qadağaya etiraz etdik, çünki hesab edirik ki, oyunçuların sponsorlu köynək geyindiyi matçın yayımlanması reklam sayılmır” deyə “beIN Media Qrupu”nun baş katibi Karolina Quenneto açıqlama verib. Onun sözlərinin görə, “Plus500” maliyyə məhsullarının heç də hamısı mütləq riskli deyil.

Lakin şirkətin istəyi uğursuz alınıb. İnzibati məhkəmə tənzimləyicinin tərəfini tutub. İndi telekanal Apellyasiya Məhkəməsinə müraciət edib.

“Matçlar zamanı futbolçuların köynəklərinin bulanmasının texniki imkanı yoxdur. Biz yayım üçün icazə almaq istəyirik. “Yanq Boys” qrup mərhələsində PSJ və ya “Lans”la oynasaydı, formalarında sponsorları olmadan oynamalı olacaqdılar. O zaman rahat yayımlayardıq. Yəni, dövlətin istəyi Fransada oynanılan matçlar zamanı mümkün olardı”, – deyə Quenneto bildirir.