Konfrans Liqasında qrup mərhələsinin püşkü atıldı
UEFA Konfrans Liqasında qrup mərhələsinin püşkü atılıb.
Aut.az xəbər verir ki, Fransanın Monako şəhərində keçirilən püşkatma mərasimində qrupların tərkibi müəyyənləşib. 32 iştirakçı hərəsində 4 komanda olmaqla 8 qrupa bölünüb. Azərbaycan millisinin futbolçusu Mahir Emrelinin formasını geyindiyi Xorvatiya”nın “Dinamo” (Zaqreb) klubu C qrupunda mübarizə aparacaq.
Türkiyə klublarından “Fənərbağça” H qrupunda “Ludoqorets” (Bolqarıstan), “Spartak” (Trnava, Slovakiya), “Norşellann” (Danimarka) ilə mübarizə aparacaq. Digər İstanbul təmsilçisi “Beşiktaş” isə D qrupunda “Brügge” (Belçika), “Bude/Qlimt” və “Luqano” (İsveçrə) ilə üz-üzə gələcək.
Azərbaycan milli komandasının üzvü Mahir Emrelinin çıxış etdiyi Zaqreb “Dinamo”su C qrupunda “Viktoriya” (Plzen), “Astana” və “Balkani” ilə yarışacaq.
Qrup mərhələsinə sentyabrın 21-də start veriləcək.
A qrupu: “Lill” (Fransa), “Slovan” (Bratislava, Slovakiya), “Olimpiya” (Sloveniya), “Klaksvik” (Farer adaları).
B qrupu: “Gent” (Belçika), “Makkabi” (Təl-Əviv, İsrail), “Zarya” (Luqansk, Ukrayna), “Breydablik” (İslandiya).
C qrupu: “Dinamo” (Zaqreb, Xorvatiya), “Viktoriya” (Plzen, Çexiya), “Astana” (Qazaxıstan), “Balkani” (Kosovo).
D qrupu: “Brügge” (Belçika), “Bude/Qlimt” (Norveç), “Beşiktaş” (Türkiyə), “Luqano” (İsveçrə).
E qrupu: AZ (Alkmar, Niderland), “Aston Villa” (İngiltərə), “Legiya” (Polşa), “Zrinski” (Bosniya və Herseqovina).
F qrupu: “Ferentsvaroş” (Macarıstan), “Fiorentina” (İtaliya), “Genk” (Belçika), “Çukariçki” (Serbiya).
G qrupu: “Ayntraxt” (Almaniya), PAOK (Yunanıstan), HİK (Finlandiya), “Aberdin” (Şotlandiya).
H qrupu: “Fənərbağça” (Türkiyə), “Ludoqorets” (Bolqarıstan), “Spartak” (Trnava, Slovakiya), “Norşellann” (Danimarka).
