Premyer Liqa klubu böyük məbləğdə cərimə olunacaq

İngiltərə Futbol Assosiasiyası “Lids” azarkeşlərinin davranışı ilə bağlı araşdırmaya başlayıb.

Aut.az xəbər verir ki, hadisə Premyer Liqanın 7-ci turunda “Tottenhem”lə oyunda baş verib. Bu barədə “Daily Mail” məlumat yayıb.

57-ci dəqiqədə Məhəmməd Kudus “Lids”in qapısına ikinci qolu vurduqdan sonra azarkeşlər tərəfindən meydana müxtəlif əşyalar – şüşə butulkalar və hətta veyp atılıb.

Gözlənilir ki, “Lids” azarkeşlərinin hərəkətlərinə görə böyük məbləğdə cərimə ödəyəcək. Bununla yanaşı, klub daha ciddi sanksiyalarla da üzləşə bilər.

Qeyd edək ki, qarşılaşma “Tottenhem”in 2:1 hesablı qələbəsi ilə başa çatıb.

Aut.az