Portuqaliya Millətlər Liqasının qalibi oldu

UEFA Millətlər Liqasının qalibi müəyyənləşib.

Aut.az xəbər verir ki, final mərhələsi Almaniyada təşkil olunan yarışın son günündə həlledici oyunlar keçirilib.

Saat 17:00-da 3-cü yer uğrunda baş tutub. Fransa seçməsi Almaniyanı 2:0 hesabı ilə yenərək turnirdəki mübarizəni 3-cü sırada tamamlayıb.

22:45-də isə final qarşılaşması start götürüb. Millətlər Liqasının qalibinin adına “Alyans Arena”da gerçəkləşən Portuqaliya – İspaniya duelində aydınlıq gəlib. Oyunun əsas vaxtı 2:2 hesabı ilə yekunlaşıb. Əlavə edilən 30 dəqiqədə qapılara qol vurulmadığından oyunsonrası penaltilərə ehtiyac duyulub. Zərbələri daha dəqiq yerinə yetirən Portuqaliya tarixində ikinci dəfə titula sahib çıxıb.

UEFA Millətlər Liqası
3-cü yer uğrunda oyun

Almaniya – Fransa 0:2

Qollar: Mbappe, 45+1, Olise, 84
Baş hakim: İvan Krujlyak (Slovakiya)
Ştutqart. “Arena MHP”.

Final

Portuqaliya – İspaniya 2:2 (penaltilər 5:3)

Qollar: Mendeş, 26. Ronaldu, 61 – Zubimendi, 21. Oyarzabal, 45
Baş hakim: Sandro Şorer (İsveçrə)
Münhen. “Alyians Arena”.