Sabiq basketbolçu Trampla bağlı Maska müraciət etdi: Onun işini bitirin

NBA klublarında oynamış sabiq basketbolçu  İtan Tomas ABŞ-ın hazırkı prezidenti Donald Trampla ictimai münaqişəsindən sonra milyarder İlon Maska müraciət edib.

Aut.az xəbər verir ki, Tomas bu barədə sosial şəbəkədə paylaşım edib.

“Hörmətli İlon Mask , sizin Trampla münaqişəniz böyük ictimai maraq doğurur. “Epşteyn işi” materiallarında Trampın adının keçdiyi çoxdan məlumdur, ona görə də bu material indiyə qədər ictimaiyyətə açıqlanmayıb və onun yenidən seçilməsinə kömək edən siz oldunuz. İndi seçkinin nəticələrinə onun xeyrinə necə təsir göstərdiyinizi bizə deyin. Onun işini bitirin, bu, Trampın sonu ola bilər”, – Tomas yazıb.

Tramp və Mask arasında qarşıdurma Maskın Respublikaçıların vergi qanun layihəsini açıq şəkildə tənqid etməsindən və 2024-cü il seçkilərində onun dəstəyinin vacibliyini bəyan etməsindən sonra alovlanıb. Buna cavab olaraq Tramp Maskın şirkətləri ilə müqavilələri ləğv etməklə və onların federal subsidiyalarını kəsməklə hədələyib. Öz növbəsində Mask Trampın Cefri Epşteynlə əlaqələrini xatırladıb və bu, onların qarşıdurmasını təkcə ictimai deyil, həm də şəxsi edib.

Onu da qeyd edək ki, Tomas NBA-da 9 mövsüm keçirib.

Aut.az