“Real” bu tarixdən sonra onun üçün hərəkətə keçəcək

“Benfika”nın müdafiəçisi Álvaro Kareras “Real”a keçməkdə maraqlıdır.

Aut.az xəbər verir ki, bu barədə insayder Fabritsio Romano məlumat yayıb.

Mənbənin sözlərinə görə, 22 yaşlı ispaniyalı futbolçu ilə bağlı hələlik klublar arasında rəsmi danışıqlar aparılmayıb. Madrid klubu Karerasla bağlı Lissabon təmsilçisi ilə yalnız mayın 25-də keçiriləcək Portuqaliya kubokunun finalından (red – “Sportinq”lə qarşılaşacaqlar) sonra əlaqə saxlaması gözlənilir.

Cari mövsümdə Kareras bütün turnirlərdə 49 matçda iştirak edib, 4 qol vurub və 5 məhsuldar ötürmə verib. “Transfermarkt” onun dəyərini 28 milyon avro olaraq qiymətləndirir.

Aut.az