Görün Ronaldo Ançelottinin rəhbərlik edəcəyi Braziliyadan nə gözləyir

Əfsanəvi braziliyalı hücumçu Ronaldo Karlo Ançelottinin Braziliya milli komandasına baş məşqçi təyin olunmasına münasibət bildirib.

Ançelotti mövsümün sonunda “Real Madrid”dən ayrılaraq milli komandanın başına keçəcək.

Aut.az xəbər verir ki, Ronaldonun sözlərini “Sky Sports” sitat gətirib.

“Əladır, o, fantastik məşqçidir. Hazırda Braziliyada bir çox problemimiz var, amma indi bizim əla məşqçimiz var.

Braziliya uzun müddətdir ki, dünya çempionatının qalibi ola bilmir. Bu, asan deyil, çünki hazırda çox yaxşı oynamırıq. Ançelotti əla məşqçidir və bəlkə o, bunu reallaşdıra bilər”, – Ronaldo deyib.

Aut.az