Xəbər lenti
“Bornmut” Avropanın aparıcı klublarının ona olan marağına baxmayaraq, baş məşqçisi Andoni İraolanı buraxmaq istəmir.
Aut.az xəbər verir ki, bu barədə “Talksport” məlumat yayıb.
“İdman direktorumuz artıq Andoni və onun agentləri ilə yeni müqavilə ilə bağlı bəzi müzakirələr aparır. Ümid edirəm ki, Pasxa bayramından sonra kluba gələndə oturub hər şeyi müzakirə edə bilərik. Başa düşürəm ki, o, uğur qazanmaq istəyir, rəqabətədavamlı komanda yaratmaq istəyir və biz bu işdə ona dəstək olmağa hazırıq”, – deyə “abalılar”ın prezidenti Bill Foli bildirib.
28 turdan sonra “Bornmut” 44 xalla Premyer Liqanın turnir cədvəlində 9-cu yerdədir. Komanda avrokuboklara vəsiqə uğrunda mübarizə aparır.
Qeyd edək ki, İraola ilə “Real” və “Tottenhem”in maraqlandığı bildirilir.
Aut.az
