“Neqreyranın çirkli liqası” – “Real”ın televiziyası hakimlik haqda

“Real”ın televiziyası La Liqanın 17-ci turunun “Rayo Valyekano” ilə matçının (3:3) baş hakimi Xuan Martines Munueranı tənqid edib.

“Bu gün Martines Munuera yenə çox ciddi səhvlərə yol verdi və onların hamısı eyni istiqamətə yönəlmişdi. 3:3 hesabı ilə başa çatan görüşdə onun iki qərarı həlledici olub. “Çirkli Neqreyra liqası”nda belə olur.

Yalnız bundan sonra “Real”ın idman problemlərindən danışmaq olar. Əhəmiyyətli olan odur ki, “Real” yenidən “Neqreyranın çirkli liqası”ndan əziyyət çəkdi.

Onda nəyisə təkmilləşdirmək lazımdırmı? Şübhəsiz. Ancaq “Neqreyranın çirkli liqası” futbol haqqında söhbəti təşviq etmir, bunun əvəzinə bir qurbanın, “Real”ın varlığından danışmağa səbəb olur; İki xal əldən verdik”, – deyə “Marca” “Real” klubunun televiziyasından sitat gətirib.

Xatırladaq ki, bundan əvvəl İspaniya Kral Futbol Federasiyasının hakimlər komissiyasının keçmiş vitse-prezidenti Xose Neqreyra “Barselona”dan rüşvət almaqda ittiham olunurdu.

Aut.az