UEFA israilli azarkeşlərə edilən hücumla bağlı bəyanat yaydı

UEFA Niderlandda “Makkabi Tel-Əviv” azarkeşlərinə edilən hücumdan sonra UEFA bəyanat yayıb.

Aut.az xəbər verir ki, Avropanın ali futbol qurumu yaşanan hadisəni pisləyib:

“UEFA Avropa Liqasının “Ayaks” – “Makkabi” matçından əvvəl və sonra Amsterdamda baş vermiş insidentləri və zorakılıq aktlarını qətiyyətlə pisləyir. Ümid edirik ki, müvafiq orqanlar bu cür hərəkətlərə görə məsuliyyət daşıyan şəxslərdən mümkün qədər çoxunu müəyyən edib məsuliyyətə cəlb edəcəklər. UEFA bütün rəsmi hesabatları nəzərdən keçirəcək, mövcud dəlilləri toplayacaq və qiymətləndirəcək”.

Qarşılaşma başlamazdan əvvəl polis oyunun keçirildiyi Yohan Kroyff stadionuna yaxınlaşmağa çalışan onlarla Fələstin tərəfdarı nümayişçini saxlayıb.

Qeyd edək ki, “Ayaks” Avropa Liqasının ümumi mərhələsinin 4-cü turunun matçında “Makkabi”ni böyük hesabla məğlub edib – 5:0.

Aut.az