Xəbər lenti
Ruben Amorim “Mançester Yunayted”ə baş məşqçi təyin olunmasını şərh edib.
Aut.az xəbər verir ki, “Daily Mail”ə danışan 39 yaşlı mütəxəssis qərar vermək üçün ona 3 gün vaxt verildiyini bildirib:
“Mənə dedilər: ya indi, ya da heç vaxt. Qərar vermək üçün üç günüm var idi. Həyatımı kökündən dəyişdirəcək bir qərar olacaqdı. Başqa imkanlarım da var idi. Prezident və Uqo Vyana bunu təsdiqləyə bilər. Məndən bu barədə birinci və ya ikinci dəfə deyil ki, soruşurlar.
“Sportinq”dən sonra Mançesterə getmək istəyirdim. İrəli bir addım atmağın vaxtıdır. Çətin idi, amma etməliydim.
Mən özümü qurban etmək istəmirəm. Bütün bu müddət ərzində neytral tərəfdə olan yeganə şəxs mən idim. Klublar arasında razılaşdırılmalı olduğu üçün təyinatı vaxtından əvvəl danışmadım.
Bu çətinliyi qəbul etmədiyim üçün peşman olmaq istəmirdim. Bilirəm ki, bu, “Sportinq” azarkeşləri üçün kədərlidir, amma izah etdiyim üçün evə daha xoşbəxt qayıdıram.
İnsanlar deyirlər ki, bu komandadan gedir. Məni istəyən başqa komanda var idi və onlar “Mançester Yunayted”dən 3 dəfə çox pul təklif edirdilər. “Sportinq”ə bacardığım hər şeyi verdim. Mən bu klubu, insanları və heyəti sevirəm, amma qərar verməli idim.
Qalmaq yoxsa getmək? Mən indi getmək seçimi etdim, çünki bir şərt var idi: indi və ya heç vaxt və mən bu seçimi etməli idim”
Portuqaliyalı mütəxəssisin təyinatı noyabrın 1-i İngiltərə klubu tərəfindən rəsmən açıqlanıb.
Aut.az
