Karyeramı bitirmək haqda düşünürdüm – “Barsa”ya keçidini şərh etdi

 “Yuventus”un keçmiş qapıçısı Voyçex Şensnı “Barselona”ya keçidini şərh edib.

“Düzünü desəm, karyeramı bitirməyə hazır idim. “Barselona”ya köçdüyüm üçün xoşbəxtəm, insanların mənə necə münasibət bəslədiyini, bunun onlar üçün nə qədər vacib olduğunu artıq görürəm. Bu gözəl ailənin bir hissəsi olmaq məni qürurlandırır.

Azarkeşlərin həvəsini görürəm və bu, çox gözəldir. Ailə mənim üçün çox önəmlidir, indi onu bir az da genişləndirmişəm.

Stadionda idim. Komanda heyrətamiz görünür. Bu mənim üçün bir çağırışdır və buna böyük həvəslə hazıram. Bu mövsüm nə baş verəcəyini səbirsizliklə gözləyirəm”, – Şensnının sözlərini “Barca Universal” yayıb.

Aut.az