“Mançester Siti” ilk məhkəmədə qalib gəldi

“Mançester Siti” İngiltərə Premyer Liqasına qarşı ilk məhkəmə prosesində qalib gəlib.

Aut.az xəbər verir ki, “şəhərlilər” çempionatın maliyyə qaydalarını pozmaqda ittiham edilirlər. Bu barədə “The Times” yazıb.

Mənbənin sözlərinə görə, “Mançester Siti”nin qələbəsi Premyer Liqanın “əlaqədar tərəf sövdələşmələri” qaydalarına yenidən baxılmasına səbəb ola bilər ki, bu da klubların klub sahibləri ilə əlaqəli şirkətlərlə bazardan kənar sponsorluq müqavilələri bağladığı zaman ciddi yoxlamaların aparılmasını tələb edir.

Bu qaydalara nəinki yenidən baxıla, hətta ləğv edilə biləcəyi vurğulanır. Bu halda “Mançester Siti” kimi klublar müstəqil qiymətləndirmə olmadan sponsorluq müqavilələri bağlaya biləcəklər.

Bu iş üzrə məhkəmə qərarı 2009-cu ildən 2018-ci ilə qədər “Mançester Siti” tərəfindən törədildiyi iddia edilən 115 maliyyə pozuntusu prosesinə əhəmiyyətli təsir göstərə bilər.

Aut.az