Xəbər lenti
BOK prezidenti Tomas Bax yeni müddətə seçilmək üçün namizədliyini verməyəcəyini açıqlayıb.
Aut.az xəbər verir ki, qılıncoynatma üzrə 1976-cı il Olimpiya çempionu 2013-cü ildə 8 illik müddətə seçilib və müddət bitdikdən sonra daha 4 il müddətinə yenidən seçilib.
2023-cü ilin oktyabrında BOK-un Mumbayda keçirilən 141-ci sessiyasında təşkilatın üzvləri almaniyalını üçüncü müddətə yenidən seçmək üçün Olimpiya Xartiyasının dəyişdirilməsini təklif ediblər.
“Bütün müzakirələrdən sonra belə qənaətə gəldim ki, daha bir müddətə namizəd olmamalıyam. BOK-un nüfuzunu qorumaq üçün biz hamımız, xüsusən də mən nizamnamənin yüksək standartlarına riayət etməliyik. Mən qəti şəkildə inanıram ki, BOK prezidenti kimi 12 ildən sonra təşkilatımız rəhbərlik dəyişikliyindən faydalanacaq.
İcraiyyə komitəsindən seçki tarixini 2025-ci ilin martına təyin etməyi xahiş edəcəm. Yeni prezidentin hakimiyyəti 2025-ci il iyunun 24-də başlayacaq. Əmin olun, bu tarixə qədər bütün enerjimi olimpiya hərəkatına sərf etməyə davam edəcəyəm”, – Bax bildirib.
Aut.az
