Rusiyanın “Soçi” klubu ölkə çempionatının 21-ci turundan təxirə salınmış “Axmat”la görüşə 14 itki ilə çıxıb.
Aut.az xəbər verir ki, buna səbəb futbolçuların kütləvi zəhərləməsi olub. Bu barədə komandanın baş məşqçisi Robert Moreno məlumat verib:
“Bir neçə oyunçunun halı nahardan sonra pisləşdi. Bəzilərində ürək bulanması, bəzilərində ishal var idi. Əvvəlcə xəstə olan yalnız iki oyunçu var idi. Lakin zaman keçdikcə daha çox oyunçu oldu. Nəticədə 14 nəfərə çatdı. Onlardan 5-i əsas heyət üzvü idi. Bu futbolçular susuz qalıb, oynamağa hazır deyillər… Amma bu səviyyəli yarışdır. Görünür, biz də oynamağa məcbur olduq, ona görə də stadiona gəldik.
Özünü daha yaxşı hiss edən və bu vəziyyətdən daha az təsirlənən bir neçə futbolçu seçməli olduq. Bir neçə oyunçumuz hazırda hərəkət edə bilmir. Təəssüf ki, bizim onları əvəz edəcək heç kimimiz belə yoxdur”.
Qeyd edək ki, “Axmar” – “Soçi” görüşü meydan sahiblərinin 1:0 hesablı qələbəsi ilə başa çatıb.
Aut.az