Dünya çempionu və 2006-cı ildə “Qızıl top” sahibi Fabio Kannavaro “Udineze”yə rəhbərlik edəcək.
Aut.az xəbər verir ki, bu, “Parma”, “Yuventus” və “Real”ın sabiq müdafiəçisinin baş məşqçi kimi A Seriyasında ilk təcrübəsi olacaq. O, əvvəllər Çin yığmasında, Səudiyyə Ərəbistanında (“Əl-Nəsr”) və İtaliya B Seriyasında (“Benevento”) çalışıb.
Məşhur jurnalist Nikolo Skiranın sözlərinə görə, müqavilə uzadılması variantı ilə cari mövsümün sonuna qədər qüvvədə olacaq.
“Udineze” hazırda A seriyasında turnir cədvəlinin 17-ci pilləsində qərarlaşıb. Kannavaronun əsas vəzifəsi klubun elitada yerini qorumasını təmin etməkdir.
Aut.az