Braziliyalı hücumçu Aleksandr Pato “Milan”da oynayarkən məşq zamanı gürcüstanlı müdafiəçi Kaxa Kaladzeyə qarşı sərt oynamasından danışıb.
Aut.az xəbər verir ki, Pato bu barədə “FourFourTwo” nəşrinə danışıb.
“Gülməli hekayədir: Kaxa Kaladze ilk məşqlərimin birində məni vurdu və düşündüm: “Aman Allahım, bu nə idi?” Mən qəzəbləndim. Digər braziliyalı uşaqlar mənə dedilər: “İndi sən onu daha da sərt vurmalısan, əgər bir şey olarsa, müdafiə edəcəyik”.
Beləliklə, Kaka topu alır, mən qaçıram və ona qarşı olduqca sərt oynayıram. Kaka uçur. Sonda ayağa qalxdı, mənə baxdı və düşündüm: “Allahım, o, məni buna görə öldürəcək”. Amma Kaka dedi: “Əhəsən! Sən belə oynayırsan, oğlan?” Hamımız güldük”, – Pato bildirib.
Pato futbolçu karyerasında “İnternasional”, “Milan”, “Korintians”, “Çelsi”, “Vilyarreal”, “Tianjin Quanjian”, “Orlando Siti” və “San Paulo” klublarında çıxış edib. Pato İtaliya çempionu, İtaliya Superkubokunun qalibi və Klublararası Dünya Çempionatının qalibidir.
Aut.az