“Barselona”nın direktorlar şurası komandanın ötən ilin yayından yenidən qurulan “Kamp Nou” stadionuna qayıtmasının dəqiq tarixini müəyyənləşdirib.
Aut.az “Mundo Deportivo”ya istinadən xəbər verir ki, qayıdış bu il dekabrın 15-ə planlaşdırılıb. Eyni zamanda, oyunda arenanın tutumu planlaşdırılan 105 min yerin 60%-ni, yəni təqribən 63 mini təşkil edəcək.
Əvvəlcə kataloniyalıların idarə heyəti təmir edilmiş arenada ilk oyunun tarixinin klubun 125 illik yubileyinə – 29 noyabra təsadüf etməsini istəyib. Amma sonda tələsməməyə qərar verildi.
Aut.az