Braziliya millisinin sabiq üzvü Romario karyerasını 58 yaşında bərpa edib.
Aut.az xəbər verir ki, bu barədə “A Bola” nəşri məlumat yayıb.
Əfsanəvi hücumçu prezidenti olduğu “Amerika Rio-de-Janeyro” ilə müqavilə imzalayıb. Veteran futbolçu bu klubda minimum əməkhaqqı qədər maaş alacaq. Həmin məbləği də kluba bağışlayacaq.
Hazırda D Seriyasında mübarizə aparan klubda Romarionun oğlu Romarinyo da forma geyinir.
Qeyd edək ki, futbolçu karyerasına 1985-ci ildə “Vako de Qama”da başlayan Romario son olaraq elə “Amerika Rio-de-Janeyro”da çıxış etmişdi. O, Braziliya millisinin heyətində 1987-2005-ci illər ərzində 70 oyun keçirib və 55 qol vurub.