UEFA Avropa Çempionatında VAR sisteminin necə işləyəcəyini açıqlayıb.
Aut.az xəbər verir ki, VAR-a ilk dəfə olaraq qoşulmuş top texnologiyası, yarımavtomatik ofsayd aşkarlama sistemi (SAOT) və qol aşkarlama texnologiyası əlavə ediləcəyi bildirilir.
Rəsmi topun real vaxt rejimində dəqiq məlumatları təmin edən hərəkət sensorlarından ibarət olduğu, matçın hakimlərinə və VAR-a topa hər toxunuşu müəyyən etməyə kömək etdiyi, oyundankənar vəziyyət, əllə oyun və penalti vəziyyətlərinin qiymətləndirilməsinə sərf olunan vaxtı azaltdığı deyilir. Məlumatlar həmçinin evdəki azarkeşlərin meydandakı oyunçular qədər faydalanmasını təmin etmək üçün televiziya qrafikası və vizualizasiya yaratmaq üçün istifadə olunacaq.
Xatırladaq ki, Avro-2024-ün final hissəsi 2024-cü il iyunun 14-dən iyulun 14-dək Almaniyada keçiriləcək. Turnirin oyunlarına 10 şəhərin 10 stadionu ev sahibliyi edəcək. Avropa çempionatının hazırkı qalibi İtaliya komandasıdır.
Aut.az