PSV-nin Niderland çempionatında ümumilikdə 42 matç davam edən məğlubiyyətsizlik seriyası qırılıb.
Aut.az xəbər verir ki, Erediviziyanın 27-ci turunun matçında Eyndoven klubu səfərdə “NEC Niymegen”ə 1:3 hesabı ilə uduzub.
Bu məğlubiyyət çempionatın lideri olan PSV-nin turnir cədvəlindəki mövqeyinə təsir etməyib. Komanda hesabında 72 xalla liderdir. “Ağ-qırmızılar” ikinci pillədə qərarlaşan “Feyenoord”u 10 xal qabaqlayır.
Qeyd edək ki, PSV 2023-cü ilin yanvarın 24-dən bəri Erediviziyada məğlub olmamışdı.