Əfsanəvi isveçli hücumçu Zlatan İbrahimoviç nə Lionel Messi, nə də Kristiano Ronaldonu daxil etmədiyi yeddi oyunçudan ibarət ideal komanda yaradıb.
Aut.az xəbər verir ki, Zlatan qapıya Canluici Buffonu, sahə oyunçularına isə Alessandro Nesta, Tiaqo Silva, Xavi, Zinəddin Zidan, Ronaldinyo və Ronaldonu daxil edib.
Özünü niyə daxil etmədiyini soruşduqda, İbrahimoviç xarakterik “təvazökarlığı” ilə cavab verib. “Mən komandanın bir hissəsi deyiləm, mən şirəm və insanlarla oynamıram. Mən məşqçi, prezident olacağam və yalnız kimsə yorulduğu halda oynayacağam”, – deyə keçmiş forvard bildirib.
Simvolik komandanın bu qeyri-adi formatı isveçlinin bu yaxınlarda bir qapıçısı və altı meydança oyunçusu olan komandaların iştirak etdiyi Krallar Liqası komandaları arasında dünya çempionatının prezidenti olması ilə bağlıdır.
Aut.az