İngiltərə yığmasının azarkeşləri ənənəvi olaraq qırmızı rəngdə təsvir edilən çoxrəngli Müqəddəs Corc xaçına görə millinin yeni formasını tənqid ediblər.
Aut.az xəbər verir ki, ingilislərin Avro 2024-də mübarizə geyinəcəyi formanın yaxasının arxa hissəsində xaçın bir neçə rəngdə, xüsusən də mavi, bənövşəyi və qırmızı rənglərdə olması futbolsevərləri qəzəbləndirib.
Hətta Böyük Britaniyanın baş naziri Rişi Sunak da bu barədə danışıb.
“Aydındır ki, mən orijinala üstünlük verirəm. Mənim fikrim budur ki, dövlət bayraqlarımız qürur mənbəyimizdir, kimliyimizdir və onlar olduğu kimi mükəmməldirlər”, – deyə Sunak “Daily Mail”ə bildirib.
Aut.az