Hüquq-mühafizə orqanları İspaniya kubokunun yarımfinal mərhələsinin “Atletik” – “Atletiko Madrid” matçında (3:0) iğtişaşlar törədən 5 azarkeşi həbs edib.
Aut.az xəbər verir ki, bu barədə “Marca” məlumat yayıb. Mənbənin sözlərinə görə, bu fanatlar “Atletiko” azarkeşlərinə hücum etmək, onlara xəsarət yetirmək, hədə-qorxu gəlmək və binalara ziyan vurmaqda ittiham olunurlar.
Hazırda 5 nəfər polis bölməsindədir və onlar işlərinin məhkəməyə çatdırılmasını gözləyirlər. Yeni həbslərin mümkün olduğu vurğulanır.
Xatırladaq ki, bu komandalar arasında ilk oyun Bilbao klubunun 1:0 hesablı qələbəsi ilə başa çatıb. Beləliklə, iki görüşün cəminə əsasən, 4:0 hesabı ilə qalib gələn “Atletik” “Malyorka” ilə qarşılaşacağı Kral Kubokunun finalına yüksəlib.
Qarşılaşma aprelin 6-da baş tutacaq.
Aut.az